ПЕНЧАК СИЛАТ ТУРАЛЫ
Пенчак-Силат («SILAT») — құрамына Индонезия, Малайзия, Сингапур және Бруней кіретін Индонезия/Малай архипелагының байырғы халықтарының арасында кең тараған жекпе-жек түрі.
Пенчак Силат Индонезия және Малай халықтарының тарихы мен мәдениетінде маңызды орынға ие. Дәстүр бойынша Силат барлық жас буынның тәрбиесінде және ұл баланың есею жолында үлкен рөл атқарды.
«Пенчак» және «Силат» сөздерінің біріккен сөзге айналуы алғаш рет 1948 жылы жүзеге асты. Кейіннен Индонезиядағы барлық пенчак және силат стильдерін біріктіру мақсатында «Суракартада» ұйымы құрылды.
Силат дененің табиғи қозғалыстарын пайдалана отырып, әр адамның бойындағы тепе-теңдіктің дамуына және энергияның үнемделуіне алып келеді. Оны тек спорт пен фитнес үшін, өнердің эстетикалық сұлулығы үшін немесе дәстүрлі жекпе-жек өнерлерінің жүйелеріне толық әлемінде азайып қалған түрін үйрену мақсатында қолдануға болады.
Силат тәжірибешілер бойындағы өзін-өзі тану, өзін-өзі реттеу, адалдық, жауапкершілік секілді қасиеттерді дамытады және нығайтады. Білікті ұстаздан сабақ алған жағдайда, оқушылардың табиғи, психикалық және рухани дамуына мүмкіндік береді.
ХАЛЫҚАРАЛЫҚ ҰЙЫМДАР
Халықаралық Пенчак Силат федерациясы (PERSILAT) – ұйымның басқарушы органы. Ол 1980 жылдың 11 наурызында құрылған. Халықаралық федерацияның президенті – Эдди М. Налапрая. Ол Силатты бүкіл әлем бойынша дамыту және насихаттау жұмыстарына жауапты.
Азия Пенчак Силат федерациясы (APSIF) бұл спорт түрін Азия құрлығында дамытумен және насихаттаумен айналысады. Президенті – Шейх Аллаудин Якуб Марикан.
Пенчак Силат ұйымы бүкіл әлем бойынша әр түрлі елдердегі жеке ұлттық федерациялардан тұрады. Олар Пенчак Силат бойынша өз мектептері мен клубтарын дамытады.
Силатпен айналысатын әрбір елде Халықаралық Пенчак Силат федерациясының өкілі болатын бір ұйымдастырушы орган (Ұлттық федерация) бар.
ДАМУ ТАРИХЫ
Соңғы жылдары Пенчак Силат Оңтүстік-Шығыс Азияның көптеген елдерінен тыс жерлерге таралып, Голландия, Германия, Италия, Оңтүстік Африка, Франция, Жапония және басқа да көптеген мемлекеттерді қамтыды. Содан бері Пенчак Силат көптеген адамдардың өмірінің бір бөлігіне айналып, адамдарды жақындастыратын құралға айналды.
Қазіргі уақытта 70-тен астам ел спорттық Силатпен айналысады. Дәстүрлі Силатқа келетін болсақ, 140-тан астам ел оны өзін-өзі қорғау мақсатында игереді. Бірқатар елдердің қарулы күштері Пенчак Силатты өзін-өзі қорғаудың негізі ретінде пайдаланады.
Пенчак Силатпен айналысатын спортшылар Азия ойындарына, Оңтүстік-Шығыс Азия ойындарына, Азия жағажай ойындарына, Әлемдік жағажай ойындарына, Әлемдік жауынгерлік өнер ойындарына қатысады.
Әрбір 2 жыл сайын Пенчак Силаттан әлем чемпионаты өткізіледі. Соңғысы 2022 жылы Малайзияда өтті.
Сондай-ақ, Пенчак Силаттан Азия чемпионаты өткізіледі. Чемпионат соңғы рет Дубайда (БАӘ) өтті. Қазақстанның атынан 19 спортшы қатысып, оның ішінде 11-і медаль жеңіп алды: 1 алтын, 3 күміс және 7 қола.
