АССОЦИАЦИЯ ТУРАЛЫ
Қазіргі таңда Пенчак Силат жекпе-жек өнері Қазақстанның 15 өңірінде дамып келеді, тағы 4 өңірде бейімделу үстінде.
Жыл сайын Пенчак Силат Ассоциациясы осы спорт түрі бойынша Қазақстанның түрлі қалаларында 10-нан астам турнир өткізуді жоспарлайды. Жалпы Пенчак Силатпен 4 жастан 60 жасқа дейінгі 3 000-нан астам адам айналысады.
Бұл спорт түрінің жақын болашақта Олимпиада спорт түрлерінің тізіміне кіру мүмкіндігі зор.
ҚР ҰОК МОЙЫНДАУЫ
"PENCAK SILAT" Ассоциациясын ҚР ҰОК 2019 жылдың 9 қыркүйегінде мойындады.
Қазақстан Республикасы Ұлттық Олимпиада комитетінің Бас хатшысы Мұсайбеков Сәкен Жүнісбекұлы салтанатты жағдайда "PENCAK SILAT" ҚР Ассоциациясының президенті Гаджиев Гаджи Шапиеұлына Қазақстан Республикасы Ұлттық Олимпиада комитетінің Ассоциацияны мойындау туралы сертификатын табыс етті.
Сертификат "PENCAK SILAT" ассоциациясының Қазақстанда Пенчак Силат спорт түрін дамыту бойынша нақты, шынайы және ұзақ мерзімді спорттық қызметпен айналысатынын растайды.
«Дене шынықтыру және спорт туралы» Қазақстан Республикасының Заңына сәйкес, Федерацияның ҚР Ұлттық Олимпиада комитетінің мойындауына ие болуы Қазақстан Республикасы Мәдениет және спорт министрлігінде салалық аккредитациялау рәсімінен өту шарттарының бірі болып табылады. Бұл Федерацияға Қазақстан аумағында осы спорт түрін дамыту құқығын береді.
Азия Пенчак Силат Федерациясына мүшелік
2018 жылдың 17 желтоқсанында Сингапурда Пенчак Силаттан әлем чемпионаты өтті. Қазақстан өкілі Гаджи Гаджиевке Азия Пенчак Силат Федерациясының мүшесі екендігін растайтын сертификат табыс етілді.
