ӘДІСТЕР
«Тандинг» әдісі (Жарыс/Күресу)
Пенчак Силаттағы жарыс түрі
Пенчак Силаттағы жарыс түрі
- Бұл әр түрлі командалардан келген екі песилатшының (қарсыластардың) арасындағы күрес. Екі қарсылас бір-біріне қорғаныс және шабуыл элементтерін қолдана отырып қарсы тұрады: шабуылды тойтару, шабуылдан жалтару, қолмен және аяқпен соққылар, қарсыласты лақтыру – жеке жарыс тактикасы мен техникасын қолданады.
- Ең көп ұпай жинау үшін қимылдардың (джурус) жиынтығы,, қағидаларды (кайда) қолдануды және қадамдардың (полалангках) үйлесімін, төзімділікті, беріктікті және жауынгерлік рухты көрсету қажет.
«Тунгал» (Жеке орындау) әдісі
- Пенчак Силаттағы жарыс түрі, мұнда песилатшы (жарыстың бір қатысушысы) міндетті жеке қимылдарды (джурус баку тунгал) ережеге сәйкес және дәл, қарумен де, қарусыз да мәнерлі орындайды.
«Ганда» (Жұптық орындау) әдісі
- Пенчак Силаттағы жарыс түрі, мұнда бір командадан екі песилатшы шығып, (жарыстың екі қатысушысы) өз шеберліктерін көрсетіп, шабуылдаушы және қорғаныс қимылдарының (джурус) алуан түрлілігін танытады. Шабуылдаушы және қорғаныс қимылдары би арқылы эстетикалық тұрғыда және бірізді орындалады. Олар мұқият орындалуы қажет және жылдамдығы бойынша әр түрлі болады: жылдам, баяу немесе медитациялық сипатта. Қимылдар қарумен де, қарусыз да орындалады.
«Регу» (Командалық орындау) әдісі
- Пенчак Силаттағы жарыс түрі, мұнда бір командадан үш жарыс қатысушысы міндетті командалық қимылдардағы (джурус баку регу) шеберліктерін дәл және белгіленген түрде көрсетіп, мәнерлі әрі үйлесімді қарусыз көрсетеді.
«Соло Креатив» (Жеке өзіндік құрастырылған орындау) әдісі
- Пенчак Силаттағы жарыс түрі, мұнда песилатшы (жарыстың бір қатысушысы) міндетті жеке қимылдарды (джурус баку тунгал) өзіндік құрастырылған ретпен, жылан, маймыл, жолбарыс стильдерін қолдана отырып мәнерлі түрде орындайды. Қимылдар қарумен де, қарусыз да орындалады.
